Haaye logoN kii karam-farmaaiyaaN
TohmateN, badnaamiyaaN, rusvaaiyaaN
Zindagii shaayed isii kaa naam hai
DuuriyaaN, majbuuriyaaN, tanhaaiyaaN
Kyaa zamaane meN yuuN hii kaTtii hai raat
KarvateN, betaabiyaaN, angRaaiyaaN
Kyaa yahii hotii hai shaam-e-intizaar
AahaTeN, ghabraahaTeN, parchhaiyaaN
Aik paikar meN simaT kar rah gayiiN
KhuubiyaaN, zebaaiyaaN, raanaaiyaaN
ZaKhm dil ke phir hare karne lagiiN
BadliyaaN, barkhaa ruteN, purvaaiyaaN
“zAiDi” paida kar samandar kii tarah
Vus’ateN, KhaamoshiyaaN, gahraaiyaaN
No comments:
Post a Comment